सिलगढी : टोटोमा ब्याग छोडेर गएको ब्याग यात्रीलाई फर्काएर टोटो चालकले मानविकताको उदाहरण पेश गरेको छ। प्राप्त जानकारीअनुसार एनजेपी थानाको ठाकुननगर इलाकामा गत राति 8 बजी 4 जना महिला धीरेन मिस्त्री नाम गरेको व्यक्तिको टोटोमा सवार भएपछि सिलगढीको कोर्ट मोडमा ओर्लिए। तीमध्ये एउटा महिलाले टोटोमै ब्याग छोडेर गइन्। यसपछि महाबीरस्थान इलाकामा एउटा यात्री टोटोमा चढ्दा तिनले उक्त ब्याग देखेपछि यसबारे चालकलाई अवगत गराए। टोटो चालकले उक्त ब्याग कसरी फिर्ता दिने भन्ने विषयमा चिन्तामा परेपछि अन्ततः तिनी उक्त ब्याग लिएर एनजेपी थानामा पुगे।
उक्त ब्यागमा रहेको मोबाइलको सहयोगमा पुलिसले ब्यागको मालिकको खोजी शुरू गरेपछि ब्यागको मालिक सम्झाना सुब्बासित पुलिसले सम्पर्क गरे। यसपछि एनजेपी थानाका ओसी समीर तामाङले आज तिनलाई उक्त ब्याग सुम्पिदिए। आफ्नो हराएको ब्याग फिर्ता पाएपछि सम्झाना सुब्बाले टोटो चालक तथा पुलिसको सरहाना गर्दै धन्यवाद दिइन्।