ट्राफिक पुलिसलाई मास्क अनि सेनिटाइजर वितरण

सिलगढ़ी:  कोरोना भाइरसको बढ़दो आतङ्कलाई ध्यानमा राखेर मानिसहरूको सुरक्षाको निम्ति विभिन्न सङ्घ- संस्थानहरूले मास्क वितरण गरिरहेका छन्। यसैलाई ध्यानमा राखेर आज सिलगढीको डाबग्राम-फूलबाड़ी ब्लक तृणमूल युवा कांग्रेसको तर्फबाट ट्राफिक पुलिसहरूलाई मास्क अनि सेनिटाइजर वितरण गरियो। सङ्गठनको तर्फबाट बताए अनुसार स्वास्थ्य कर्मीहरूसितै पुलिस कर्मीहरू पनि दिन-रात साधरण मानिसहरूको सहयोग तथा सेवामा लागी परेका देखिन्छन्। यसैले तिनीहरूको सुरक्षालाई ध्यानमा राखेर उक्त पहल गरिएको हो। यस अवधि आज ट्राफिक पुलिसहरू लगायत अन्य मानिसहरूलाई पनि  मास्क वितरण गरियो।