तिरहाना चिया बगानका श्रमिकद्वारा बाघडुग्रा हाई वे-मा पथ अवरोध

बाघडुग्रा (निसं): पूजाको बोनस भुगतान नगरी गत नोभेम्बर महिनादेखि बगानका प्रबन्धक निखोज रहेपछि हालमा बगान बन्द अवस्थामा रहेको छ। यसैले गर्दा बाघडुग्राको तिरहाना चिया बगानमा आईएनटीटीयूसी समर्थित श्रमिक संगठनले फेरि आन्दोलन शुरू गरेको छ।
आज बुधबार बगानका श्रमिकहरूले बाघडुग्रा-पानीघाटा स्टेट हाईवे-मा पथ अवरोध गरेर विरोध प्रदर्शन गरे। बगानका श्रमिकहरूले बन्द अवस्थामा रहेको बगान यथाशिघ्र खोलिनु पर्ने माग गरेका छन्। श्रमिकहरूको भनाई अनुसार बगान अथोरिटीसित समझौता गरेर गार्डन खोल्न तिनीहरू तयार छन्। यसैबीच, पथ अवरोधको कारण बाघडुग्रा-पानीघाटा राज्य मार्गमा अधिक जामको समस्या देखा पऱ्यो। यसपछि बाघडुग्रा थाना पुलिस घटनास्थलमा पुगेर प्रदर्शनकारीहरूलाई आश्वासन दिएपछि सडकबाट जाम हटाइयो।