तृणमूल प्रार्थी गोपाल लामाको समर्थनमा नक्सलबारीमा देवाल लेखन

नक्सलबारी (निसं): दार्जिलिङ लोकसभा केन्द्रमा तृणमूल काङ्ग्रेसको उम्मेदवार गोपाल लामाको समर्थनमा बुधवार नक्सलबारी स्टेशन पाड़ामा तृणमूल काङ्ग्रेसका नेताहरू अनि कार्यकर्ताहरूले देवाल लेखन कार्यक्रमको आयोजना गरियो। सिलगढी महकुमा परिषदका सभाधिपति अरुण घोषले आज आफ्नो हातले देवाल लेखन कार्य गरे। उक्त देवाल लेखन कार्यक्रममा नक्सलबारी- 2 नम्बर ब्लकका अध्यक्ष पृथ्वीश राय, युवा अध्यक्ष विराज सरकार लगायत अन्य मानिसहरू पनि उपस्थित थिए। यस अवसरमा सिलगढी महकुमा परिषदका सभाधिपति अरुण घोषले भने, राज्यको विकासलाई लिएर जनता सामु जानेछौ। मानिसहरूलाई झुटो आश्वासन दिइरहेको भाजपाले रामको नाममा भेदभाव गरिरहेको छ तर अब जनताले विकासको फसेला गर्नेछ। हालसम्म भाजपा, काङ्ग्रेस, सीपीआईएम कसै पार्टीले पनि उम्मेदवारहरूको घोषणा गरिएको छैन। तिनले अझ भने, प्रचारको मामिलामा तृणमूल काङ्ग्रेस अघि छ।