तृणमूल सरकारको कार्यकालमा पश्चिम बंगाल आतङ्कवादीको केन्द्र  : सौमित्र खाँ

सिलगढी : ममताको कार्यकालमा पश्चिम बंगालमा आतङ्कवादी गठन भइरहेको छ। आज सिलगढीको भाजपा कार्यालय जयमनी भवनमा एउटा स्मरण सभामा सामेल हुन आएका भारतीय जनता युवा मोर्चाका प्रदेश अध्यक्ष सौमित्र खाँ-ले यस प्रकारको मन्तव्य पोखेका हुन्। तिनले मुर्शिदाबाद आतङ्कवादीको केन्द्र बनिरहेको बताउँदै मुख्यमन्त्री ममता ब्यानर्जीले यसको जवाफ दिनुपर्ने बताए। अर्कोतिर, तिनी विरुद्ध सिलगढी थानामा अभियोग दर्ता भएको बारे प्रश्न गर्दा अभियोग पत्र मेरो लागि प्रेम पत्र समान रहेको बताए।