तृणमूल सरकारले चिया श्रमिकहरुको वेतन वृद्धि लगायत अन्य सुविधा प्रदान गरेको छ: दीपक प्रधान

खरसाङ: तृणमूल कंग्रेसको ट्रेड यूनियन नेता एवं दार्जीलिङ जिल्ला सभापति दीपक प्रधानले आज खरसाङमा पत्रकारहरूलाई राज्य सरकारले चाँडै चिया श्रमिकहरुको वेतन अथवा हाजिरा बढ़ाउने लगायत विभिन्न सरकारी साहुलियत एवं योजनाहरु बारेमा जानकारी गराए। तिनले वामफन्टको सरकारले शोषण गरेर राखेको चियाबारी श्रमिकहरूको निम्ति वर्तमान तृणमूल कांग्रेसको राज्य सरकारले धेरै कार्य गरिरहेको बताउँदै चियाबारी श्रमिकहरूको वेतन 67 रुपियाँबाट 176 रुपियाँ भएको र आगामी चुनाउ अघि नै श्रमिकहरूको हाजिरा 200 भन्दा अधिक गर्नलाई साथै स्टाफ र सव स्टाफहरूको वेतन बढोत्तरीको लागि पनि तृणमूल पार्टी र युनियनले कार्य गरिरहेको साथै यसको लागि राज्य सरकारले पनि हरियो झण्डा देखाएको पनि बताए । कोविदको समयमा दिएको नि:शुल्क राशन केन्द्रले नोभेम्बरसम्म दिएको थियो जसको समय सकियो तर राज्य सरकारले नि:शुल्क राशन वितरण अहिले पनि लगातार रुपमा गरिरहेको तिनले बताए। दिपक प्रधानले तृणमूल कांग्रेसको सरकारले जनताको लागि द्वारे सरकारको आयोजना गरेर जनताको घर दैलोमा सरकार पुराएर ठूलो कार्य गरेको साथै स्वास्थ्य र अन्य विषयहरूमा पनि धेरै कार्य गरेको बताए।