उपचारमा लापर्वाही गर्दा प्रसुती महिलाको मृत्यु भएको आरोप लगाउँदै अस्पतालमा तोडफोड

कुचबिहार : उपचारको लापर्वाहीको कारण एउटी प्रसुती महिलाको मृत्यु भएको आरोप लगाउँदै परिवारका सदस्यहरूले कुचबिहार एमजेएन मेडिकल कलेज एवम् अस्पतालको प्रसुति वार्डमा तोड़फोड़ गरेको घटना प्रकाशमा आएको छ। स्मरण रहोस्, गत 27 दिसम्बरमा सुटकाबाड़ी निवासी अशरफुल हककी स्वास्नी खतीजा बीबीलाई एमजेएन मेडिकल कलेज एवम् अस्पतालको प्रसुती वार्डमा भर्ना गरिएको थियो।  गत 28 दिसम्बरको दिन तिनले एउटी शिशु कन्यालाई जन्म दिएकी थिइन् भने आज बिहान तिनको मृत्यु भएको बताइएको छ। अर्कोतिर, उपचारमा लापर्वाही गरेको कारण नै तिनको मृत्यु भएको परिवारका सदस्यहरूले आरोप लगाउँदै अस्पतालमा तोडफोड गरेको बताइएको छ। घटनाको खबर पाएर कोतवाली पुलिस घटनास्थलमा पुगेर परिस्थिति नियन्त्रणमा ल्याए। अर्कोतिर, कुचबिहार एमजेएन मेडिकल कलेज एवम् अस्पतालको रोगी कल्याण समितिका चेयरम्यान पार्थप्रतिम राय मातृ विभागमा पुगेर घटनाको जाँच गर्ने आश्वासन दिएका छन्।