अप्पर सिडर्समा तृणमूल कङ्ग्रेसका प्रार्थी एनबी खवासलाई स्वागत साथै चुनाउ प्रचार

सोनादा (निसं) : रंगबुल धोतरिया रङ्गमुक समष्टिको अप्पर सिडर्समा आज यसपालीको जीटीए चुनाउमा प्रार्थीको रुपमा हिल तृणमूल कङ्ग्रेस पार्टीको तर्फबाट खडा भएका एनबी खवासलाई लिएर उक्त क्षेत्रका मानिसहरू सडकमा निस्केर चुनाउ प्रचार गरे। यसको साथै उक्त क्षेत्रका मानिसहरुले यसपालीको जीटीए चुनाउमा सय प्रतिशत एनबी खवासलाई समर्थन दिने प्रतिबद्धता पनि जाहेर गरेका छन्। सिर्डस चियाबारीमा एनबी खवासको जुन विरोध भएको थियो आज त्यसै ठाउँमा तिनलाई भव्य स्वागत जनाइयो साथै खवासको विरोधमा नारा लगाएर विरोध प्रदर्शन गर्नेहरुले नै खवासलाई खदा-माला गरी स्वागत गरेको बताइएको छ। हिल तृणमूल कङ्ग्रेसको प्रार्थी एनबी खवासले आज अप्पर सिडर्समा चुनाउ प्रचार गर्दै चुनावी सभा पनि गरे। उक्त चुनावी सभालाई सम्बोधन गर्दै प्रार्थी एनबी खवासले भने, आज म गाउँ-घरमा चुनाउ प्रचारमा जाँदा अप्पर सिडर्सका मानिसहरू निस्केर खदा लगाएर स्वागत जनाएकोमा म खुशी छु।