उत्तरबंग विश्वविद्यालयलाई पनि सुरक्षा कवच प्रदान गरियोस् : सीपीएम नेता जीवेश सरकार

सिलगढी : उत्तरबंग विश्वविद्यालयको बुनियादी ढाँचा चरमराएर गएको छ। यसतर्फ सरकारले ध्यानाकर्षण गरेको छैन। राज्य सरकारले विश्वविद्यालयको बुनियादी ढाँचालाई विकसित गर्ने प्रयास गर्नुपर्छ। आज एउटा पत्रकार सम्मेलनको आयोजना गरेर दार्जिलिङ जिल्ला सीपीएमले यस प्रकारको माग गरेका छन्। सीपीएम नेता जीवेश सरकारले भने, उत्तर बंगालका मानिसहरूको भावना उत्तरबंग विश्वविद्यालयसित जुड़ेको छ। हाल विश्वविद्यालय निक्कै खराब अवस्थामा रहेको छ। जसरी दिदिर सुरक्षा कवज योजनालाई लिएर पार्टीका समर्थकहरू मानिसहरूको घर-घरमा गइरहेका छन्। त्यस्तै प्रकारले उत्तर बंगाल विश्वविद्यालयलाई पनि सुरक्षा कवच प्रदान गरियोस्। उत्तरबंग विश्वविद्यालयलाई बचाउनको लागि पार्टीलाई नहेरेर सबैजना एक भई जनमत जुटाउने तिनले सबैसित अपील गरे।