सिलगढी : उत्तरबंग विश्वविद्यालयका उप-कुलपति डा. ओम प्रकाश मिश्राले उत्तरबंग विश्वविद्यालयको सुधारको लागि प्रत्येक विभागको निरीक्षण गरिरहेका छन्। तिनले यसभन्दा अघि पनि 17 वटा विभागको निरीक्षण गरिसकेका छन् भने आज तिनले कला र समाज विज्ञान विभाग, प्रबन्धन विभाग र वाणिज्य विभागको निरीक्षण गरे। निरीक्षण अवधि तिनले विभागका प्रोफेसर र विद्यार्थीहरूसित कुराकानी पनि गरे। यस अवसरमा उप-कुलपति डा. ओमप्रकाश मिश्राले भने, उत्तरबंग विश्वविद्यालयको प्रमुखको रूपमा मेरो भूमिका एउटा पक्ष हो। मैले यसभन्दा अघि 17 वटा विभागको निरीक्षण गरिसकेको छु। विश्वविद्यालयको प्रत्येक विभागको निरीक्षण गरेर यसलाई समग्र रूपमा कसरी सुधार गर्न सकिन्छ भन्ने विषयमा पत्तो लगाउने प्रयास गरिरहेको छु।