वाहन अनियन्त्रित भएर गजलडोबा टिस्टा क्यानलको ब्यारियरलाई धक्का दिँदा भाग्यले बाँचे 3 जना यात्रु

राजगञ्ज : राजगञ्ज ब्लकको आमबारी-गजलडोबा टिस्टा क्यानलको गजलडोबा नजिक गेट बजार मोडमा एउटा वाहन अनियन्त्रित भएर टिस्टा सिँचाई क्यानलको ब्यारियरमा धक्का दिँदा चालक लगायत तीनजना भाग्यले बाँचे। स्थानीय सूत्रले दिएको जानकारीअनुसार गजलडोबाबाट सिलगढीतर्फ जाने सडक राजगञ्जको गेटबजारमा एउटा डम्परलाई साइड दिने हुँदा वाहन सडक किनारको ब्यारियर भत्काएर क्यानलभित्र पस्यो। तथापि, घटनामा कसैको ज्यानलाई कुनै क्षति नभए तापनि वाहन क्षतिग्रस्त भएको बताइएको छ। घटनाको खबर पाएर मिलनपल्ली आउटपोस्ट पुलिस घटनास्थलमा पुगेर वाहन उद्धार गर्नको साथै घटनाको जाँच शुरू गरेको पुलिस सूत्रले जनाएको छ।