वाहनको धक्काले जलपाईगढीमा सुरक्षा गार्डको मृत्यु

जलपाईगढी : जलपाईगढी प्लेनघाटी इलाकामा वाहनको धक्का लागेर एकजना सुरक्षा गार्डको मृत्यु भएको छ। मृतक व्यक्ति जलपाईगढीको पश्चिमसेवा ग्राम इलाका निवासी 27 वर्षीय आपन रायको रूपमा चिन्हित गरिएको छ। प्राप्त जानकारीअनुसार सुरक्षा गार्ड आपन रायलाई हिजो प्लेनघाटीस्थित एउटा राइस मिलमा ड्युटी गर्न पठाएको थियो। गत राति राइस मिलको गेटमा ड्युटी गरिरहेको समय एउटा वाहनले पछिल्तिरबाट धक्का दिँदा तिनी अचेत अवस्थामा लडिरहेका थिए। यसपछि तिनलाई उद्धार गरेर अस्पतालमा लगेपछि त्यहाँका डाक्टरले तिनलाई मृत घोषित गरिदिए। आज पोस्टमार्टम गरेपछि पुलिसले शव परिवारका सदस्यहरूलाई सुम्पिदिनको साथै घटनाको जाँच शुरू गरेको जलपाईगढी कोतवाली पुलिस सूत्रले जनाएको छ।