सेभोक : सेभोक रेलवे गेट नजिक भएको एउटा सडक दुर्घटनामा बाइक चालकको घटनास्थलमै मृत्यु भएको छ। पुलिस सूत्रले दिएको जानकारीअनुसार आज दिउँसो राष्ट्रिय राजमार्ग अन्तर्गत सेभोक रेलवे गेट नजिक एउटा कुनै अज्ञात वाहनले बाइक (SK04P3396)–लाई धक्का दिएर चम्पट कसेको छ। उक्त वाहनको धक्काले दुर्घटनामा परेर बाइक चालकको घटनास्थलमै मृत्यु भएको छ।
दुर्घटनामा पर्ने व्यक्तिको बाइक सिक्किम नम्बर रहेकोले गर्दा सम्भवतः दुर्घटनामा मर्ने बाइक चालक पनि सिक्किम निवासी रहेको हुनसक्ने अनुमान लगाइए तापनि तिनको हालसम्म सटीक चिन्हित हुन सकेको छैन। पुलिसले घटनास्थलबाट शव उद्धार गर्नको साथै पोस्टमार्टमको निम्ति पठाइदिएको छ भने मृतक तथा घटनाको छानबीन शुरू गरेको बताइएको छ। अर्कोतिर, स्थानीय केही प्रत्यक्षदर्शीहरूले बताएअनुसार मृतक बाइक चालकको गोजीबाट केही नशालु च्याबलेटहरू पनि भेटिएको छ।