वाहनले टोटोलाई धक्का दिँदा 3 जना घाइते

फुलबारी : एउटा वाहनले टोटोलाई धक्का दिँदा टोटो चालक सहित 3 जना घाइते भएका छन्। उक्त घटनाका गत राति सिलगढी संलग्न उत्तरकन्याको ओभरब्रिज इलाकामा घटेको हो। प्राप्त जानकारी अनुसार गत राति दुईजना महिला एउटा टोटोमा सवार भएर डाक्टर देखाउन गइरहेको समय उत्तरकन्या संलग्न ओभरब्रिज इलाकामा एउटा वाहनले टोटोलाई पछिल्तिरबाट धक्का दिँदा टोटो सडकमा पल्टियो। घटनामा टोटो चालक सहित दुईजना महिला घाइते भएका छन्। उक्त घटनापछि वाहन चालकले घटनास्थलबाट सुइँकुच्चा ठोके। घटनाको खबर पाएर फुलबारी ट्राफिक गार्ड पुलिस घटनास्थलमा पुगेर घाइतेहरूलाई उद्धार गरेर उत्तरबंग मेडिकल कलेज एवम् अस्पतालमा पठायो। घटनाको जाँच शुरू गरेको न्यु जलपाईगढी थाना पुलिसले जनाएको छ।