यात्री वाहक बस र कन्टेनर ठोक्किँदा अनियन्त्रित भएर बस दुर्घटनाग्रस्त

राजगञ्ज : यात्री वाहक बस अनियन्त्रित भएर कलभर्टको रेलिङमाथि चढ्दा यात्रीहरू भाग्यले बाँचे। उक्त घटना आज अपरान्ह सिलगढी जलपाईगढी राष्ट्रिय राजमार्गको तालमा संलग्न इलाकामा घटेको हो। स्थानीय सूत्रले दिएको जानकारी अनुसार यात्री बोकेको एउटा बस जलपाईगढीबाट सिलगढीतर्फ आइरहेको समय तालमा संलग्न इलाकामा एउटा माल वाहक कन्टेनरसित ठोक्किँदा बस अनियन्त्रित भएर सडक नजिकको कल्भर्टको रेलिङ माथि चढ्यो। तथापि, घटनामा कसैको ज्यानलाई कुनै क्षति नपुर्‍याएको बताइएको छ। घटनाको खबर पाएर कोतवाली थाना पुलिस घटनास्थलमा पुगेर दुईवटा वाहन आफ्नो नियन्त्रणमा लिनको साथै घटनाको जाँच शुरू गरेको पुलिस सूत्रले जनाएको छ।