युवाहरूको पहलमा तीनधारेको बन्दुके गाउँ निवासी सचिन तामाङको घर मरमति

खरसाङ (निसं): खरसाङ महकुमा अन्तर्गत तीनधारे चियाबारीको बन्दुके गाउँ निवासी सचिन तामाङको घर भागोप्रमोका केही युवाहरूले मरमति गरिदिएका छन्। भागोप्रमो तीनधारे चियाबारीका संयोजक युवराज प्रधान र घैयाबारी ग्राम पञ्चायत दुईको ग्राम पञ्चायत सदस्य दिपेन्द्र तामाङको नेतृत्वमा बन्दुके गाउँ निवासी सचिन तामाङको घर मरमति गर्ने कार्य गरिएको छ। युवाहरू मिलेर सचिन तामाङको जीर्णावस्थामा रहेको घरलाई मरमति गरिदिएको छ। सबै युवाहरूले मिलेर श्रमदान गर्दै सचिन तामाङको घरको भुइँहरू मरमति गरिदिएको बताइएको छ। विशेष गरेर गत पञ्चायत चुनाउको समय घर बनाई दिने वाचा दिएअनुसार पञ्चायतबाट घर नबनाउनञ्जेलसम्म केही युवाहरू मिलेर उक्त घरको मरमति गरिदिएको तीनधारे चियाबारीका युवराज प्रधानले बताए।