बिहेको प्रलोभन देखाएर युवतीलाई गर्भवती बनाएको आरोपमा प्रेमी पक्राउ

सिलगढी: बिहेको प्रलोभन देखाएर बारम्बार प्रेमिकासित शारीरिक सम्बन्ध बनाएपछि प्रेमिका गर्भवती बनाएको आरोपमा पुलिसले प्रेमीलाई पक्राउ गरेको छ। प्राप्त जानकारी अनुसार प्रधान नगर थाना अन्तर्गत गुलमा चियाकमान निवासी गौतम मुण्डाको एउटी 22 वर्षीय युवतीसित प्रेम सम्बन्ध थियो। गौतमले उक्त युवतीलाई बिहेको प्रलोभन देखाएर बारम्बार तिनीसित शारीरिक सम्बन्ध बनाएपछि युवती गर्भवती भइन्। यसपछि उक्त युवतीले गौतमलाई बिहेको लागि दवाउ दिनथालिन्। प्रेमिका गर्भवती भएको थाहा पाएपछि गौतम तिनीबाट टाढिन थालेको आरोप रहेको छ। युवतीले घटनाबारे महिला थानामा प्रेमीविरुद्ध लिखित अभियोग दर्ता गरेपछि पुलिसले अभियोगको आधारमा गत राति प्रधान नगर थाना अन्तर्गत गुलमा चियाकमान इलाकाबाट प्रेमी गौतमलाई पक्राउ गर्यो। पक्रा परेका आरोपीलाई आज सिलगढी अदालतमा पेश गर्यो। पुलिसले घटनाको जाँच शुरू गरेको छ।